Шымкент қаласының құрылыс басқармасының тапсырысымен 2020 жылы бірқатар ауылшаруашылық нысанының құрылыс-монтаж жұмыстары жүргізіліп, бүгінгі таңда мемлекеттік қабылдау актісімен пайдалануға тапсырылды.
Атап айтқанда, қаланың солтүстік-батыс бөлігі 295 орамдағы және Ақтас шағынауданындағы биотермиялық шұңқырдың құрылысы пайдалануға берілді. Биотермиялық шұңқыр – биологиялық қалдықтарды, яғни малдардың өлекселерін залалсыздандыруға арналған нысан.
Бүгінгі таңда аталған нысандарды Шымкент қаласының ауыл шаруашылығы және ветеринария басқармасына тапсыру мақсатында қала әкімінің қаулысы әзірленуде.
Шымкент қаласының Ақпараттық-коммуникациялық орталығы