Вирустан келер қауіп артқан сайын қаламызда сақтық шаралары да жіті назарға алынуда. Мәселен, Әл-Фараби ауданындағы орталық көшелер мен аулаларда жиі залалсыздандыру жұмыстары жүргізіледі.
Жалпы, ауданда 70 көше, 156 аялдама бар. Онда кестеге сәйкес дезинфекциялау жұмыстары жүргізіліп тұрады. Аудан аумағында орналасқан алты базар сенбі-жексенбі күндері залалсыздандырылады. Сондай-ақ, тұрғын үй аулалары 3 күн сайын сайын, ал, вирус таралған аймақ ретінде тіркелген 164 аула күн сайын тазартылады. Мамандар тұрғындарды негізсіз алаңдамауға шақырады. Дезинфекциялық құралдар мен препараттар адам денсаулығына еш зиян келтірмейтіндігін айтады.