Бәйдібек аудандық полиция бөліміне ағымдағы жылдың 17 шілде күні сағат 09:00 шамасында Шаян ауылы маңында жол-көлік оқиғасы болғандығы туралы хабарлама келіп түсті.
Жол апаты орын алған аймақты тексеру кезінде облыстық маңызы бар «Екпінді-Созақ» тас жолы бойында «Nissan», «Toyota Camry» және «Volkswagen Grafter» маркалы үш автокөлік соқтығысқаны анықталды. Апат салдарынан көлік құралдары өртенген. Нәтижесінде 9 адам қайтыс болып, 13 адам ауруханаға жеткізілді. 2 адам медицина көмегінен бас тартты. Алдын ала мәліметтер бойынша «Nissan» автокөлігі қарсы бағытқа шығып кеткен.
ЕСКЕРТУ: ВИДЕО СІЛТЕМЕСІ ТӨМЕНДЕ. +16 IMG_1205
Оқиға орнына бірден Түркістан облысы ПД басшылығы барды. Қазіргі тада жол-көлік оқиғасы бойынша Бәйдібек АПБ-нің полицейлері жұмыс жасауда. Болған оқиғаның толық мән-жайы анықталуда.
Бұл факт ҚР ҚК 345-бабы «Көлік құралдарын басқаратын адамдардың жол жүрісі немесе көлік құралдарын пайдалану қағидаларын бұзуы» бойынша СДТБТ-ға тіркелді.
Түркістан облысының полицейлері жүргізушілерді жол қозғалысы ережелері мен жылдамдық режимін сақтауға шақырады. Жүргізушілер, сақ болыңыздар!
Түркістан облысы ПД баспасөз қызметі