Астанада тау-кен металлургия саласындағы корпоративтік университеттердің кеңейтілген форматтағы халықаралық кездесуі өтті. Шараны Eurasian Resources Group (ERG) ұйымдастырды. Форум Азиядағы EFMD ұйымына мүше корпоративтік университеттер мен оқыту құрылымдарының Қазақстандағы алғашқы тәжірибе алмасу алаңына айналды.
Іс-шарада көшбасшылық, кәсіби білім беру және қызметкерлерді оқыту мәселелері талқыланды. Негізгі спикер – EFMD корпоративтік сервистерінің директоры, доктор Мартин Мерле. Ол корпоративтік оқытуда халықаралық стандарттарды енгізудің бизнестегі бәсекеге қабілеттілікті арттырудағы маңызын атап өтті. EFMD – әлемнің 88 елінен 890 мүшесі бар менеджмент саласындағы жетекші ұйым. Форум корпоративтік білім беру мен HR саласындағы халықаралық серіктестікті нығайтуға үлес қосты.
– Біз EFMD тәжірибесінде әріптестер қауымдастығы корпоративтік оқыту стандарттарын дамыта отырып, компаниялардың ісін жетілдіру жолына барынша қарқын бере алатынына талай мәрте көз жеткіздік. ERG-дің бастамасы Қазақстандағы, тіпті Орта Азиядағы корпоративтік оқыту саласына тың серпін бере алады деген сенімдеміз,— деді Мартин Мерле.
Форумда ERG-дің корпоративтік университеті халықаралық сертификациялау бағдарламаларда жүлделі орындарға ие болған өзінің білім беру бағдарламаларын таныстырды. Өткен жылы ERG-дің корпоративтік университеті халықаралық EFMD Excellence in Practice Awards 2024 байқауының «Кәсіби білім беру» аталымында «үздік» деп танылған. Ал, биыл ERG-дің Корпоративтік университеті Қазақстан мен ТМД-да алғашқы болып EFMD LIFT Learning Impact стандарты бойынша сертификатталды.
ТКМ саласындағы корпоративтік университеттер форумы Қазақстан мен Азияда осы корпоративтік білім беру бағытында жұмыс істеп жүрген құрылымдар арасындағы өзара серіктестікті нығайтуды көздейді.
– Тиімді корпоративтік білім беру жүйесін дамыту барысында әрдайым әріптестеріңізбен араласып, пікір алмасып отыру маңызды. ERG-дің корпоративтік университеті өзге де корпоративтік оқыту орталықтарының тәжірибесін сыни тұрғыдан зерделей отырып, өзінің озық әдістемелерін ашық паш етіп бірнеше жылда халықаралық деңгейге өсті. Бұл толайым табысқа ERG-дің Қазақстанда корпоративтік оқыту орталықтарының қауымдастығын құру қамындағы новаторлық бастамасының арқасында жетті. Өз кезегінде бұл кәсіби дамуды үздіксіз жетілдіріп отыруға септесетін тұғырнамаға айнала алады, — деді форум сарапшыларының бірі, ERG корпоративтік университеті ғылыми кеңесінің тәуелсіз мүшесі, профессор Валерий Катькало.
Халықаралық форумға ERG-дің Қазақстандағы бас директоры Серік Шахажанов та қатысып, шараның маңызын ерекше атап айтты:
– ERG-дің корпоративтік университтеті – біздің Топты дамытудың стратегиялық құралы. Біз тек адамдарды дамыту арқылы компания алға ілгерілей түсеріне сенімді болғандықтан, адамдарымыздың дамуына тұрақты инвестиция құйып келеміз. Соңғы 2 жылда корпоративтік университет біздің 54 мыңнан астам қызметкерімізді оқытып, симуляторлар мен VR-дан бастап, озық технологиялар мен халықаралық тұғырнамаларды енгізіп, жаһандық деңгейде мойындалды. EFMD Excellence in Practice Awards 2024 байқауындағы жеңіс пен EFMD LIFT 2025 сертификатына ие болуымыз білім беру сапасы, бизнеске қажетті шешімдерді табу мен оның пайдасы – біздің өз саламыз бойынша үздік болуға деген талпынысымыз бен қолға алған жүйелі жұмыстың жемісі,-деді ERG-дің Қазақстандағы бас директоры Серік Шахажанов.
ERG Қазақстандағы корпоративтік университеттер арасында алғашқы болып тау-кен металлургия саласы кәсіпорындарының бәріне есігін айқара ашып отыр. Топ персоналды дамытуға инновациялық ұстанымдарды қолданып қана қоймай, стратегиялық көзқарас пен көшбасшылықтың жоғары деңгейін паш етіп келеді.
ERG Қазақстанда алғашқы болып 6 тау-кен металлургия компаниялары арасында зерттеулер жүргізіп, бенчмарк пен сараптама базасын құрды. Осылай тұрғырнама қаланып, компания өз бастамасын кеңейтуге даяр. Әрі 2025 жылдан бастап кәсіби қауымдастық тарапынан да қолдау тауып, зерттеуге қатысатын компаниялар саны ұлғая түсеріне сенімді.