Өткен тәулік ішінде қалада өрт сөндіру бөлімшелері өрт пен жану жағдайларын сөндіруге 8 рет шықты. Барлық жағдайда қайтыс болғандар мен зардап шеккендер жоқ.
Өрт орын алған мекен-жайлардың бірі — Абай ауданы Пошаев көшесіндегі жеке тұрғын үй. Оқиға орнына өрт сөндіру қызметінің жеке құрамынан 20 адам мен 4 бірлік техника жұмылдырылды. Апаттар медицинасы орталығының 1 бригадасы да жедел әрекет етті. Аталған мекенжай бойынша моншаның шатыры және ас үйдің есігі мен төбенің жабындары зақымдалғанын анықтады. Өрттің жалпы аумағы 52 шаршы метрді құрады. Өрт сағат 21:09-да оқшауланып, 21.28-де толығымен жойылды. Төтеншеліктер өрттің туындауын болдырмау үшін, өрт қауіпсіздігі ережелерін сақтауды талап етуде. Электр сымдарын уақытында тексеріп, розеткаға қосылған электр құралдарын қараусыз қалдырмауды қатаң ескертті.