ПОЛИЦИЯ ҚЫЗМЕТКЕРЛЕРІ 1000-НАН АСА ҚАЛА ТҰРҒЫНЫНА МАСКА ТАРАТТЫ

Шымкент қаласы Полиция департаментінің қызметкерлері халық жиі шоғырланатын орындарда және көлік жүргізушілеріне бетперде таратты. Бұл бастамаға Шымкент қаласы әкімдігі қолдау білдіріп қалалық «Жастар ресурстық орталығы» КММ-нің ерікті жастары мен тәртіп сақшылары бірлесе кезекті рет игі шараны қолға алды.

Шара барысында тұрғындарға қауіпті індетпен күресу барысында санитарлық ережелерді ұстанып, сақтық шараларын қолға алу маңызды екендігі түсіндірілді. Полицейлер мен ерікті жастар арнайы белгісі бар бетперделерді шаһардың негізгі көшелері мен азаматтар жиі шоғырланатын орындарда таратты. Сондай-ақ тәртіп сақшылары автокөлік жүргізушілерін тоқтатып оларға да маска үлестірді. Бірлескен шара барасында жалпы саны 1200 бетперде таратылды. Ал осыған дейін Шымкент қаласы Полиция депаратаментінің қызметкерлері карантин режимінің жеңілдетілгеніне қарамастан сақтық шараларын қатаң сақтауға шақырып 3500 маска таратқан болатын. Өзіңізге және жақындарыңызға жанашыр болыңыз.

Добавить комментарий

Ваш адрес email не будет опубликован. Обязательные поля помечены *