Мемлекет басшысы Қасым-Жомарт Тоқаевтың «Әділетті Қазақстанның экономикалық бағдары» атты Қазақстан халқына Жолдауы-өте көп қырларды қамтыған нақты тапсырмалар мен жаңа міндеттемелерді жүктеді. Ол тек үкімет пен парламент депутаттарына ғана емес, дамушы елдің айбынды жастарына да артылған жауапкершілікті сезіндірді. Қазақстанның 3/1 жастар қамтитын болғандықтан сапалы кадр шығуы, қазіргі көтеріліп жатқан бағыттардың ұзақмерзімде орындалуы да бізге тікелей байланысты.
Тағы да айтып кететін жайт, ЖОО техникалық мамандықтарға акцент қоюдың маңыздылығы жайлы да президент атап өтті. Менің көзқарасымда жолдауда көтерілген маңызды мәселелер бірі қазіргі уақыттағы жасанды интеллекттің ықпалы. Яғни бұл ғасырда «Адамның орнын жасанды интеллект баспайды, жасанды интеллекті пайдалана алатын адам басады» сөзі актуалдығын жоғалтпайды. Өйткені жасанды интеллектті оңтайлы пайдалану арқылы көптеген елдер өз экономикасын көтеріп жатыр. ChatGPT, Meta Әлем сынды жаңа технологиялар адам өмірін әлдеқайда жеңілдетіп, заман талабына айналуда. Ал заман талабына икемделе отыра, өз идентификациясын сақтай қалу-прагматизм белгісі. Мемлекет басшысы атап өткендей, тек мегаполистерде ғана емес көп ескерілмей қалып жатқан аймақтарда да «Астана хаб» тәжиірбесін, схемасын кеңінен қолданысқа енгізуге жағдай жасау жоғарыда аталып өткен жастардан сапалы кадр дайындауға, инновациялық дамуға үлкен мүмкіндік болушы еді. Себебі жастар арасындағы тек жұмыссыздық деңгейін төмендетуге емес, креативті экономика деңгейі көтерілуші еді. Аталып өткендей жасанды интеллектті эффективті пайдалана алу экономиканы көтеру катализаторларының бірі.
Сонымен қатар, болашаққа жасалып жатқан үлкен нақты қадам бірі жаңа министрліктердің, атап айтқанда:«Су және иррагация»,«Көлік» министрліктерінің болашағына үлкен сенім білдіремін. Өйткені қазіргі бюрократия әсерінен жалпы министрліктермен қосылып маңызды қоғамның қажеттіліктері ескерілмей қалып келді. Енді нақты жауап беретін министрліктің болуы ашықтыққа алып келеді деп сенемін.
Қорыта айтқанда бүгінгі күнде екі бірдей мейрам бар. Бірі білім күні болса, екіншісі сол білімді қайда пайдалануға бағыт-бағдар берген мемлекет басшысының халқына жолдауы.
Сәкен Мәжінбеков — М.Әуезов атындағы ОҚУ-інің проректоры, саясаттанушы