Шымкентте 2 мыңға жуық көпқабатты үй орталықтандырылған жылу жүйесіне қосылған. Күздің салқын лебі сезіліп, күннің райы өзгеріп келеді. Биыл мегаполисте жөндеу жұмыстары басталып, қысқы жылыту маусымына дайындық аяқталып қалды. Тұран ауданының әкімі Боранбай Нығметұлы жауапты мамандардың жұмысымен танысып шықты.
Шымкент қаласы Тұран ауданында 544 көп қабатты тұрғын үй бар. Олардың 501-і орталық жылу жүйесіне қосылған. 2023-2024 жылғы жылу маусымына қазіргі уақытта Тұран ауданы бойынша 310 тұрғын үй жылу маусымына дайын. Сала мамандары сығымдау жұмыстарынан жүргізіп, толық аяқтады. Қалған 191 тұрғын үйдің тұрғындарына түсіндірме жұмыстары жүргізіліп, хабарландыру таратылды.
Айта кетейік, ҚР Энергетика министрінің 2014 жылғы 18 желтоқсанда №211 бұйрығымен бекітілген «Жылу энергиясын пайдалану қағидаларының» 11-тарау, 62 — тармағына сәйкес «Қуатжылуорталық-3» МКК-ы көппәтерлі үйдегі элеватор торабының бірінші фланеціне дейін жылумен қамтамасыз етуге жауапты.
«Қуатжылуорталық-3» көпқабатты үйдің жертөлесіне дейін жылу жеткізеді. Ары қарай тұтынушылар өздері жылу жүйелерінің қауіпсіздігін, құбырларды шаю мен қысымын тексеру, сығымдау жұмыстары, жылу қарызын есептеу және оны өтеу жұмыстарын атқаруы қажет.
Аудан аумағында көп қабатты тұрғын үйлердің инженерлік жүйелерін күтіп ұстау қызметін 6 сервистік мекеме 152 көп қабатты тұрғын үйге қызметтерін көрсетуде.
Олар:
1.«ЖилСтройСервис» ЖШС (тел: 87752689139)
- «NUR-D» ЖШС (тел: 87479020097)
- «KazConstraction Service» ЖШС (тел; 87755108248)
- «Еркин» ЖК (тел: 87789922183)
- «Сержан» ЖК (тел: 87751613293)
- «ТеплоСервис» ЖШС (тел 87026892130)
Шымкент қаласы әкімінің баспасөз қызметі
Айта кетейік, жылу қаламызда сырттағы тəуліктік орташа температура +8 градус және одан төмен болғанда қосылады.