Ордабасы ауданында «Таза Қазақстан» зкологиялық акциясында сенбілік өтті. Темірлан ауылында 10 шақырымнан астам көше бойларын сыпыру аяқ жолдардың шөптері шабу, ирригация жүйелерін тазалау жұмыстары жүргізілді. 8,5 тонна қоқыс шығарылып, 170 ағаштар әктеліп, 85 ағаштардың қураған бұтақтары шабылып ретке келтірілді.
Сенбілікке жалпы 300 ден астам мемлекеттік қызметшілер мен қоғамдық қызметкерлер қатысты. 8 техника жұмылдырылды. Одан бөлек, 10 ауыл округтерде сенбілік жұмыстары жалғасын тапты.
Сенбілік жұмыстары Сарыағаш ауданында да жалғасын тапты. Аудан әкімдігіне қарасты әр мекеме өзіне жүктелген аумақта тазалық жұмыстарын жүргізді. Республикалық, облыстық маңызы бар автожолдардың, ішкі көшелердің бойында күл-қоқыстар жиналды. Арық-атыздар тазартылды. Ағаштарды әктеу-сырлау жұмыстары жүргізілді. Тазалық жұмыстарында аудан бойынша жалпы 38 тонна қоқыс шығарылып, 3 000-ға жуық адам, 53 арнайы техника жұмылдырылды.
Жалпы аудандарда ұйымдастырылған сенбіліктің мақсаты — аудан көшелеріндегі тазалықты сақтау және экологиялық мәдениетті қалыптастыру мәселелеріне қоғам назарын аудартуға бағытталған.