Шымкент қаласында туберкулездің алдын алу және оған қарсы күрес шаралары белсенді түрде жүргізілуде. 2025 жылы жаһандық серіктестік «Иә! Біз туберкулезді жеңе аламыз: міндеттенеміз, инвестициялаймыз, әрекет етеміз» ұранымен түрлі шаралар өтуде.
Туберкулез — өкпені және басқа ағзаларды зақымдайтын жұқпалы ауру, ол ауа арқылы таралады. Шымкентте 2025 жылдың алғашқы екі айында туберкулезбен сырқаттану 35%-ға төмендеді, бірақ 14 жасқа дейінгі балалар арасында аурушаңдық артқан.
Туберкулезді анықтау үшін балаларға Манту сынамасы, АТР сынамасы жасалады. Ересектерге флюорография немесе рентген, қақырықты микробиологиялық зерттеу жүргізіледі.
Туберкулез — емделмеген науқастар жылына 10-15 адамға дейін жұқтыруы мүмкін. Сондықтан ерте диагностика мен алдын алу шаралары өте маңызды.