Қазақстанда 5,2 млн гектар жерге ауыл шаруашылығы дақылдары егілді

Елімізде көктемгі егіс жұмыстары қарқынды түрде жүріп жатыр. Қазіргі уақытта 5,2 миллион гектардан астам ауыл шаруашылығы жеріне дақылдар егілді.

Егіс науқаны басталар алдында ірі көлемде дайындық жұмыстары атқарылды. Атап айтқанда:

• 17,1 млн гектар жерде ылғал жабу,

• 7,3 млн гектарда тұқым себуге дейінгі өңдеу,

• 1,9 млн гектарда көктемгі жырту жұмыстары жүргізілді.

Егістік көлемі бойынша өңірлер көш басында:

• Ақмола облысы – 971,1 мың гектар

• Алматы облысы – 228,4 мың гектар

• Шығыс Қазақстан облысы – 337,6 мың гектар

• Қарағанды облысы – 435 мың гектар

• Павлодар облысы – 467,9 мың гектар

• Түркістан облысы – 482 мың гектар

• Абай облысы – 463,6 мың гектар

Басқа өңірлерде де егіс жұмыстары жоспарға сай атқарылуда.

Егіліп жатқан негізгі дақылдар:

• Дәнді дақылдар – 3 млн гектардан астам

• Майлы дақылдар – 1,2 млн гектар

• Мал азығы дақылдары – 382,3 мың гектар

• Көкөніс – 91,4 мың гектар

• Картоп – 66,7 мың гектар

• Бақша дақылдары – 69,9 мың гектар

• Мақта – 130,9 мың гектар

• Қант қызылшасы – 17,4 мың гектар

• Күріш – 52,6 мың гектар

Ауыл шаруашылығы үшін маңызды ресурстар

• Аграрлар 1 млн тоннадан астам минералдық тыңайтқышқа келісімшарт жасаған, оның 849,2 мың тоннасы жеткізілді.

• Биылғы жылға тұқым қажеттілігі 2,3 млн тоннаны құрады – бұл 100% қамтамасыз етілді.

• Егіс науқанына бөлінген 401 мың тонна дизель отынының 233 мың тоннасы шаруаларға жөнелтілді.

Егіс жұмыстары белгіленген жоспарға сәйкес жалғасып жатыр. Бұл аграрлық маусымда мол өнім алу үшін барлық жағдай жасалуда.