Биыл Шымкентте 57 аула абаттандырылып, ел игілігіне берілді. Оның ішінде 30 жылдан бері балалар алаңшасы болмаған көпқабатты тұрғын үй аулаларына орындықтар орнатылып, жарық шамдар қойылған. 
Бір қуанарлығы, құрылысқа қажетті заттардың басым бөлігі — отандық. Ең бастысы сапаға мән беріліп отыр. Мемлекеттік және жекеменшік әріптестік аясында жыл соңына дейін тағы 300 ауланы жөндеу жоспарланған. Ал, 2021 жылы 319 аула қайта жаңғыртылмақ. Бұған қоса спорт алаңдарын түгелімен жаңарту межеленген. Бір сөзбен айтқанда, алдағы жылдары қаладағы көпқабатты тұрғын үй алдындағы аулалар біртіндеп толықтай жөнделетін болады.