Шымкент қаласындағы №90 дарынды балаларға арналған мамандандырылған мектеп-гимназиясында 5-6 сынып оқушылары арасында олимпиада өтті. Білім додасына 6 пәннен 87 оқушы қатысты.
Екі күнге созылған олимпиданы тәуелсіз сарапшылар жіті, мұқият қадағалады.
Оқушыларға әр пәннен 30 сұрақ берілді. Оқушы бір сұраққа 1-2 минут ішінде жауап беруі тиіс. Білім додасында карантиндік талаптар қатаң сақталды. Алған ұпайына қарай жеңімпаздар анықталды.
Олимпиадаға жауапты Гүлзия Қарақұлова №90 дарынды балаларға арналған мамандандырылған мектеп-гимназиясынан Республикалық олимпиаданың екінші кезеңіне 23 оқушы жолдама алғанын жеткізді. Дара шауып бәйге алған оқушылар алдағы уақытта өтетін олимпиадада №90 дарынды балаларға арналған мамандандырылған мектеп-гимназиясының намысын қорғайтын болады.
Мерей Әбдіәшімова
№90 дарынды балаларға арналған мамандандырылған мектеп-гимназиясы, «Жас журналисттер» үйірмесінің қатысушысы, 6 сынып оқушысы