Шыменттік ғалым шаруаларға аса қажет көпфункциналды тіркеме ойлап тапты. Инновациялық жоба қолданысқа енсе шаруалар бір құрылғының көмегімен 4 қызметті бірден ала алады.
Техника ғылымдарының кандидаты, доцент Нұрлыбай Манабаев ойлап тапқан туынды «әмбебеп көпфункциналды аспалы құрылғы» деп аталады. Бүгінде тіркеменің 3 данасы құрастырылып, шығарылған. Озық инновациялық жобаның артықшылығы бір тіркеме 4 пішінге өзгереді. Идея атворы тың құрылғыны жергілікті зауытта құрастырған. Икемшіл жабдыққа, тіпті, шет елдіктер де қызығушылық таныта бастаған.
-Менің жасап шығарған техникамның артықшылығы сол қолданыстағы төрт техниканың орнына бір осы техниканы пайдалана аласыздар. Поляның жағдайында 10-15 минутта қалаған төрт варянт үлгісіне ауыстыру мүмкіндігі болғасын сіз жанармайды екі үш есе үнемдеуіңіз мүмкін. Дер кезінде агро талаптар жұмыстарын орындағаныңыз салдарынан 10-15 пайыз өніміңіз артады,-дейді техника ғылымдарының кандидаты, доцент Нұрлыбай Манапбаев.
Тіркемені құрастыруға 3 жыл уақыт кетіпті. Құрылғының жұмыс істеу принципі өте қарапайым. Бағасы да қолжетімді. Бар –жоғы, 2 млн. теңге.
—7 жоба комиссия қарауына өздерінің өтінімін берді. 7 жобаның ішінен жаңағы үздік екі жоба өндіріске енгізу жоспарларына сәйкес, осы 2 жоба таңдалып отыр. Енді екі жобаға атүсті қарамай басқарма тарапынан сүйемелдеу жұмыстары жүргізіледі,-дейді Шымкент қалалық ауылшарушылығы және ветеринария басқармасының мамандары.
Енді, Қазақстан және жақын алыс шет мемлекеттерде аналогы жоқ тіркемені көптеп құрастыру үшін жоғары оқу орны жанынан арнайы цех ашылмақшы. Кешенде 6 адам тұрақты жұмыспен қамтылады. Техника ғылымдарының кандидаты, доцент Нұрлыбай Манабаев тың иннвациялық жобаны сатылымға шығаруды жоспарлап отыр.