Бүгін қала әкімі Ғабит Сыздықбековтің төрағалығымен өткен аппараттық мәжілісте мегаполистің қаңтар – мамыр айларындағы әлеуметтік-экономикалық даму барысы, салалар бойынша атқарылып жатқан жұмыстар пысықталды. Экономика және бюджеттік жоспарлау басқармасының басшысы Ерлан Есқараев даму көрсеткіштерін баяндап, бұл кезеңде оң динамика қалыптасқанын жеткізді.
Шымкент қалалық экономика және бюджеттік жоспарлау басқармасының басшысы Ерлан Есқараевтың сөзіне сенсек, өңірге тартылған инвестиция көлемі 17,4 пайызға артып, 203,6 млрд теңгені құраған. Оның ішінде мемлекеттік инвестиция көлемі 29,5 млрд. теңге болса, жеке инвестиция көлемі 174,1 млрд. теңгеге жеткен. Ал құрылыс жұмыстарының көлемі 55,7 млрд теңгені құрап, 30,7 пайызға ұлғайған.
Қала әкімі Ғабит Сыздықбеков экономика және бюджеттік жоспарлау басқармасының басшысы Ерлан Есқараевты ұйып тыңдады. Сосын, өз пікірін білдірді. Бүйдеді:
«Жалған сандармен емес, шынайы экономикаммен өмір сүйрейік. Көрсеткіштерді талдап, қай жерде проблема бар, сол жерге күш салып, нақты нәтижеге жұмыс істейік» — деді Ғабит Сыздықбеков.
Сонымен қатар қала әкімі тиісті басқарма басшыларына мегаполис аумағындағы заңсыз берілген жерлерге қатысты заң шеңберінде шараларды күшейтіп, дендрологиялық саябақ пен «Арбат» алаңына абаттандыру, көріктендіру жұмыстарын жүргізуді және ойын атракциондарының қауіпсіздігін жақсартуды тапсырды. Барлық аудан, сала басшыларына бюджеттің сапалы орындалуы, 2025 жылғы бюджеттік өтінімдерді әзірлеу бойынша нақты тапсырмалар берілді.
Айта кетейік, Шымкент қаласына 2024 -2028 жылдар аралығында 6 трлн теңге инвестиция тарту көзделген. Нәтижесінде 34 мыңнан аса жаңа жұмыс орны ашылады деп күтілуде.