ДӘРІГЕР КОРОНАВИРУС КЕЗІНДЕ НЕНІ ЖЕУГЕ БОЛМАЙТЫНЫН АЙТТЫ

Майлы тағам мен таза майды ішу холестеринді арттырады және қанды қоюлатады. Бұл, әсіресе, коронавирус инфекциясы кезінде қауіпті болуы мүмкін

Әлеуметтік желіде қазақстандықтар ем алу кезінде бір-біріне қойдың құйрық майы мен иттің майын қолдануды ұсынып жатыр. Мұндай тәсілдің қаншалықты тиімсіз әрі қауіпті екенін Ресейдің денсаулық сақтау министрінің орынбасары Олег Гриднев түсіндірді, деп хабарлайды  Sputnik Қазақстан.

«Майды ас ретінде қолдануға болады. Бірақ ол еш нәрсені емдемейді. Ал коронавирус кезінде тіпті зиян келтіруі мүмкін, себебі ол холестеринді көтеріп, қанның басқа компоненттерін арттырады. Майлы тағамдар қанның қоюлануына әсер етеді»,деп түсіндірді Гриднев.

Сонымен қатар ол коронавирус инфекциясы бар науқастарға қанды сұйылтуға арналған дәрілер (антикоагулянттар) тағайындалатынын еске салды.

Бұған дейін Ресейдегі Киров атындағы әскери-медициналық академияның мамандары коронавирус кезінде асқазан-ішек жолдары ауруы кезіндегідей диета сақтауды ұсынды.

Коронавирус жұқтырған науқастарға сүт, бидай өнімдерін, ащы тағамдар мен тәттілер, майлы, тұздалған, сүрленген тағам, ұн өнімдері мен консервілерді пайдалануды азайту керек.

Науқастарға ботқа, сүзбе, көкөніс, майы аз тауық еті, балық секілді жеңіл тағамдар, кешеден қалған нанды жеу керек.

Айта кетейік, қазақстандықтар бұған дейін вирустан сауығу үшін зімбір мен соданы қолдануды ұсынған болатын.

Добавить комментарий

Ваш адрес email не будет опубликован. Обязательные поля помечены *