«Таза Қазақстан» экоакциясы аясында қала мен ауылдық округтерде тазалық шарасы өтті. Сенбілік барысында стихиялық қоқыс алаңдары тазартылып, көшелердің шөптері шабылды. Бұл іс-шара қаламыздың экологиялық жағдайын жақсарту және тұрғындардың қоршаған ортаны қорғауға деген жауапкершілігін арттыру мақсатында ұйымдастырылды.
Сенбілік барысында көптеген стихиялық қоқыс алаңдары тазартылды. Жиналған қоқыстар арнайы техника мен жұмысшылардың күшімен шығарылып, жойылды.
Сенбілік аясында қалалық сәулет бөлімі мамандары қызыл сызықтан шығып кеткен ғимарат иелеріне түсіндірме жұмыстарын жүргізді. Сәулет бөлімі мамандары ғимараттардың дұрыс орналасуы және құрылыс нормаларын сақтау туралы ақпараттармен бөлісіп, қажетті құжаттарды толтыру тәртібі мен рәсімдерін түсіндірді. Ғимарат иелеріне заң бұзушылықтарды түзету және қаланың сәулеттік келбетін сақтау бойынша кеңес берді.
Мұндай шаралар алдағы уақытта да тұрақты түрде өткізіліп, табиғатты қорғау мен тазалық сақтау мәселелері бойынша халықты ақпараттандыру жұмыстары жалғасын табатын болады.