ШЫМКЕНТТЕ ҚҰРБАН АЙТ НАМАЗЫ ОҚЫЛДЫ

Бүгін  Шымкент қаласы бойынша барлық мешіттерінде Құрбан айт намазы оқылды. Шаһардың бас мешітінде өткен айт намазын Шымкент қаласының бас имамы Бақдаулет қажы Нұрматұлы  жүргізіп, әуелі ҚМДБ-ның Төрғасы, Бас мүфти Наурызбай қажы Тағанұлының құттықтау лебізін жиналған жамағатқа жеткізді. Құрбан айт намазына Шымкент қаласының зиялы қауым өкілдері қатысып, айт меркесімен құттықтады.

— Құрбан айттағы ниет-құлшылықтарыңыз қабыл болғай. Береке мен бірлікке бастайтын, ағайын арасын жақындастыратын мерекенің мән-маңызы артып келеді. Құрбан айт мерекесінде бір-біріміздің қателіктерімізді кешіріп, өзара татулығымызды арттыруға және де қоғамның игілігі үшін қайырымды істерді жүзеге асыруға атсалысайық, — деді Шымкент қаласының  бас имамы.

Шаһардың бас мешітіндегі айт намазы жоғары деңгейде айт намазын оқылып, қасиетті Құран хатым арнайы бағышталып, елдің бірлігі мен ынтымағына дұға етілді.

Осыдан кейін,  мешіт ауласында  «Дін мен дәстүр» атты дәстүрлі спорттық ойын түрлерінен, яғни кір тасын көтеру, арқан тарту, қол күрес  сынды мерекелік шара ұйымдастырылды. Игі шараны қала бас имам орынбасары Мұхамеджан Естеміров ашып, жүргізді.

Дәл осындай рухани мерекелік шара  қалалық «Жастар ісі» секторының жетекшісі Әли Анарқұлұлы мен қалалық «Зекет және қайырымдылық»  қорының өкілі Айбек Азимбаевтардың ұйытқы болуымен бірнеше мешіттерде жалғасып тапты.  Жарыс соңында жеңімпаздарға  өкілдіктің арнайы дипломы мен кәде-сыйлықтары табыс етілді. Ал, «Айттық сый», «Айт тәттісі» атты қайырымдылық шарасы барысында  қалалық «Әйел-қыздар» секторына қарасты ұстаздар мен әжелеріміз  жиналған қаламыздың тұрғындарына түрлі тәттілер мен баурсақ ұсынды.

Биылғы жыл айрықша түрде өткізіліп жатыр. Құрбан айттың бірінші күні 30 орында «Балаларға базарлық» мерекелік шарасы ұйымдастырылады.  Мұнымен қатар,  жоғыры деңгейде тұңғыш рет  «Наурыз алаңы», «Арбат алаңы» және жаңадан ашылған «Сейтжан қари» мешітінде «QURBAN AIT FEST» мерекелік һәм рухани шарасы өткізіледі. Онда дәстүрлі әндеріміз насихатталып, ұлттық спорт ойындарынан сайыстар ұйымдастырылады.

Жалпы, қала бойынша барлық мешіттерде айт намазы жоғары деңгейде өткізілді. Айт намазға келген жамағаттың көңіл-күйі өте жоғары екендігін айта кеткен жөн.

Қалада құрбандық шалуға арнайы 3 орын белгіленіп отыр.

 

Добавить комментарий

Ваш адрес email не будет опубликован. Обязательные поля помечены *