Шымкент қаласындағы №65 мектеп-гимназияның оқушылары білім додасында тағы бір биіктен көрінді.
«Зерделі» оқу орталығы ұйымдастырған «Зerделі QUIZ» ақыл-ой дамыту сайысында мектеп командасы 300-ге жуық білім ордасының арасынан оза шауып, өздерінің білімділігі мен зеректігін дәлелдеді.
Зияткерлік сайыс оқушылардың білім деңгейін ғана емес, олардың логикалық ойлау қабілетін, жылдам шешім қабылдауын және топпен жұмыс істеу дағдыларын сынауға бағытталған. Осындай білім бәсекесінде үздіктер қатарынан көріну – шәкірттердің жүйелі ізденісі мен ұстаздардың еңбегінің нәтижесі.
Мектеп ұжымы бұл жетістікті оқушылардың талпынысы мен барлық ұстаздардың ортақ еңбегінің жемісі деп бағалайды.
Сайыс қорытындысы бойынша команда жетекшісі Айгерім ханым мен команда капитаны Базарбай Алтынай Түркияға жолдама иеленді. Ал команданың өзге мүшелері Ташкент қаласына жолдамаға ие болды.